Աշոտ Ղազարյանը հուզիչ գրառմամբ շնորհավորել է իր ուսանողության տարիներից մինչ այսօր սիրելի ու հարազատ մնացած ընկերոջ՝ Հարութ Փամբուկչյանի ծննդյան տարեդարձը՝ հրապարակելով համատեղ լուսանկար:
Շնորհավորելով իր լավագույն ընկերներից մեկին՝ դերասանը նրան առողջություն, երկար կյանք ու անսպառ ձայն է ցանկացել՝ բարեմաղթելով, որ միշտ լինի բեմում, ժողովրդից անպակաս ու ընկերների կողքին:
Այսօր հայտնի երգիչը տոնում է իր յոթանասունամյակը: Նա գրեթե կես դար արդեն բեմում է:
Երևանում ծնված, մեծացած երաժիշտն իր առավել հասուն կյանքն ու կենսագործունեությունը կազմակերպել է ԱՄՆ-ում, սակայն հոգով ու սրտով միշտ էլ հայրենիքում է, ժողովրդի կողքին:
Նա ոչ մի հարմար առիթ բաց չի թողնում հայրենիք գալու և ժողովրդին ուրախացնելու նպատակով տարատեսակ համերգներ կազմակերպելու համար:
Հարութի ծնողները գաղթել են Արևմտյան Հայաստանից՝ փրկվելով բոլորին հայտնի մեծ արհավիրքից: Հարութն իր երաժշտական տաղանդները ժառանգել է մորից, ով նույնպես երգել է ժամանակին՝ միաժամանակ նվագելով մի քանի երաժշտական գործիքների վրա:
