Պատերազմը մեր իրականության մեջ շատ բան փոխեց, արմատական փոփոխության ենթարկվեցին շատերի աշխարհայացքները, հայրենասիրությունն այլ դիտանկյունից սկսկվեց չափվել, շատ բան սկսվեց արժեվորվել և մտորումների առիթ դառնալ։
Այս իրականության մեջ են մեծանում նաև մեր փոքրիկները, որոնք ամեն ինչ լսում և տեսնում են։ Թերևս ամենացավալին է, երբ երեխայի բառապաշարը համալրվում է պատերազմ, անմահ հերոս, զոհեր, հայրենիքի համար կյանքը նվիրաբերած և այլ նմանատիպ բառերով, սակայն հայրենիքի արժեքը նրանք հրաշալի գիտեն, բոլորից լավ։
Համացանցում մի հոլովակ է շրջանառվում, որտեղ փոքրիկ տղան արտասանում է և իր խոնարհումը հայտնում իրական հերոսներին, կյանքի հերոսներին։
Այս հոլովակով է կիսվել նաև հայտնի բլոգեր Ռոման Բաղդասարյանը, ով հոլովակին կից գրել է․ «Վերջ․․․ ես այլևս չկամ։ Խոսքեր չկան։
Աղոթում եմ այս և բոլոր մանուկների համար։ Տեսա այս հոլովակը և ուղղակի պապանձվեցի։ Թող որ բոլոր բարի ուժերը պահպանեն քեզ, փոքրի՛կ»։ Հոլովակը դիտեք ստորև։
