Այսօր՝ հունվարի տասներեքին, ծննդյան օրն է տոնում հայտնի քաղաքական գործիչ Էդմոն Մարուքյանը։ Նա այսօր դարձավ քառասուներկու տարեկան։
Երտասարդ և բանիմաց քաղաքական գործիչը կրթական բարձր մակարդակ ունի։ Նա ծնվել է Վանաձորում։ Նախնական կրթությունը ստացել է Վանաձորում։ Մի առիթով Էդմոն Մարուքյանը պատմել է, որ իր անունը շնորհել է հայրը։
Վերջինս ուսումնասիրելով հայկական անձնանունները՝ հաճախ է հանդիպել անվան սխալ բացատրությունների և զայրացած ի վերջո որոշում կայացրել որդուն շնորհել արտասահմանյան անուն։ 2002 թ․ ավարտել է Մոսկվայի կոմերցիայի և իրավունքի ինստիտուտի իրավագիտության բաժինը, ապա 2006 թ․ ավարտել է Վարշավայի Հելսինկյան հիմնադրամի Մարդու իրավունքների բարձրագույն դասընթացը, որից հետո արդեն Հայաստանում 2007 թ․ ավարտել է ՀՀ Պետական կառավարման ակադեմիան և ստացել իրավագիտության մագիստրոսի աստիճան։
Քաղաքական գործիչն այնուհետև մի շարք բարձրագույն իրավաբանական դասընթացներ է անցել և է՛լ ավելի կատարելագործել իր կրթական մակարդակը։
Օրվա առիթով Մարուքյանը հրապարակում է կատարել և գրել՝ Դե ինչ, ասում են՝ դարձա քառասուներկու տարեկան։
