Առողջապահության նախարար Արսեն Թորոսյանն այս պահին վերադառնում է Ծաղկաձորից և ճանապարհին տեսանյութ է ձայնագրել՝ պատմելով՝ ինչ վիճակ է այնտեղ։
Նրա խոսքով՝ ամեն ինչ հենց Ծաղկաձորից է սկսվել, որտեղ արդեն 9 մեկուսացման վայր կա։ Հիմա այնտեղ մի շարք մարդիկ են մեկուսացված, այսօր էլ նոր մարդկանց են սպասում, որոնք ժամանելու են հատուկ չվերթով։
Մեկուսարանների կառավարիչների կողմից ամեն ինչ պատշաճ կազմակերպվում է, և հենց դա է թույլ տվել կանխել կորոնավիրուսյան ախտի տարածումը։ Նախարարի խոսքով՝ մեկուսացման վայրերից ավելի քան 350 հաստատված դեպք է ի հայտ եկել։
«Եթե մեկուսացման վայրեր չկազմակերպվեին, այդ բոլոր քաղաքացիները կվարակեին շատ ու շատ մարդկանց, ու հենց մեկուսացումն է թույլ տվել խուսափել այդ զարգացումներից։ Այդ գործողությունները շարունակվելու են՝ վարակի տարածումը զսպելու համար։ Սա պատմում եմ՝ հասկանալու՝ որքան դժվար է զսպման գործընթացը։ Հորդորում եմ ինքնուրույն պահպանել կանոնները՝ գլոբալ մարտահրավերը կանգնեցնելու համար։ Յուրաքանչյուրը գործ ունի, որն այդքան բարդ չէ․ ընդամենը պահել վարքագծի կանոնները»։
Իրապես, անչափ կարևոր է կորոնավիրուսյան ախտի արհավիրքի այս պայմաններում հետևել կանոններին ու փրկել մարդկային կյանքեր՝ չվարակելով նրանց։ Ինքնամեկուսացումը փրկում է վարակումից, իսկ վարակակիր կարող է լինել յուրաքանչյուրը։
Վերադառնում եմ Ծաղկաձորից
Опубликовано Arsen Torosyan Среда, 22 апреля 2020 г.
