Այսօր համացանցում է տարածվել ուռուցքաբան և գինեկոլոգ Վահե Տեր-Մինասյանի կողմից կատարված գրառումը: Նա իր ֆեյսբուքյան էջում կատարել է հետևյալ գրառումը. «Դիմելու եմ դատարան, կամ ոչխար ենք գողացել, ոչխար.. «արդարադատության» ձեռքերը հասան նաև ինձ>>:
Որից հետո ուռուցքաբանը մանրամասնել է, որ այսպես կոչված ՀՀ Առողջապահական և աշխատաքի տեսչական մարմինը որոշել է իրեն տալ որոշակի իրավասություններ,ընդ որում, որոնք իր լիազորությունն
երի մեջ չեն մտնում, տուգանել իրեն։ Վահե Տեր-Մինասյանը պատճառաբանում է, որ դա նրա համար է, որ իրենք փորձում են աջակցել երկրում առողջապահության ոլորտի առողջացմանը, որ պետությունից ոչինչ էլ չեն վերցնում և իհարկե պետությանն էլ հարկեր են մուծում:
Այս կառույցը՝ խստորեն խախտելով խոսքի ազատության բոլոր սկզբունքները, այժմ փորձում է իրեն տուգանել։
Ուռուցքաբանը, սակայն, չի պատրաստվում հանգիստ նստել և ոչինչ չձեռնարկել: Այլ, ընդհակառակը, հա պատրաստվում է դիմել դատարան.
Սկսելու ենք նրանից, որ ստիպելու ենք, բացարձակ նույն սկզբունքով, տուգանել մի քանի տասնյակ ԶԼՄ–ներին, քաղաքական գործիչներին (այդ թվում նախարարներին, պատգամավորներին և անգամ ՀՀ վարչապետին)։ Հետո բոլորը Ձեզ են դատի տալու, բոլոր գործերը բնականաբար տարվելու եք, պետական բյուջեից հսկա գումարներ եք փոխհատուցելու ու….
Վահե Տեր-Մինասյանի համար մինչև հիմա էլ չբացահայտված է մնում ամեն գնով առողջապահական համակարգի քայքայմանը ձգտող մարդը և դրա համար նրա ունեցած պատճառները:
Այս ամենից հետո, եզրափակելով իր խոսքը, Վահե Տեր-Մինասյանը հայտարարում է.
Եթե ամենակարճ ժամանակում նման անօրինական քայլերի հեղինակները չպատժվեն, ապա ես ու իմ թիմը կդադարեցնենք մասնակցությունը պետական ծրագրերի աջակցմանը, որոնց համար ի տարբերություն իրենց աթոռներին նստած ու անհեթեթ որոշումներ կայացնողների մենք պետությունից գումարներ չենք ստանում։ Թող իրենք էլ գնան ու սկսեն մարդկանց բուժել…(եթե իհարկե կարող են)….»:
Հիշեցնենք, որ ուռուցքաբան և գինեկոլոգը այս մասին հանրությանը հայտնել էր ընդամենը ժամեր առաջ:
