Էջմիածնի քաղաքապետարանն այսօր ցավալի հայտարարությամբ է հանդես եկել։ Հայտարարության մեջ քաղաքապետարանի անձնկազմը խոր վշտով տեղեկացնում է, որ կյանքից հեռացել է Արշակ Մանուկյանը, ով հանդիսանում էր Էջմիածնի պատվավոր քաղաքացի։
Նա հանդիսանում է Էջմիածին քաղաքի դրոշի և զինանշանի հեղիինակը։
«Արշակ Մանուկյանը մեր համայնքի երախտարժան այրերից էր, հայրենիքում և սփյուռքում մեծ ճանաչում գտած ժողովրդական վարպետ, զարդարվեստի յուրահատուկ բազմաթիվ աշխատանքների հեղինակ», ապա հավելել են, որ հենց նա է հանդիսանում «Էջմիածին» լանջաշղթայի հեղինակը, որը համայնքի նորընտիր ղեկավարները կրում են պաշտոնամուտի երդմնակալության արարողության ժամանակ։
2002 և 2003 թթ․ մասնակցել է ոսկերիչների 5-րդ և 6-րդ միջազգային ցուցահանդեսներին, արժանանացել «Հոգևոր թեմաներով լավագույն աշխատանքների համար» դիպլոմի:
Վարպետի աշխատանքներից շատերը ներկայացավծ են Ռուսաստանում, ԱՄՆ-ում, Իտալիայում, Իսպանիայում, Մեծ Բրիտանիայում, Սիրիայում, Ֆրանսիայում և այլուր:
Ցավակցում ենք Արշակ Մանուկյանի ընտանիքին, հարազատներին և ընկերներին։
