Աննա Հակոբյանը նոր լուսանկարներ է հրապարակել վարչապետի տարեդարձից

Վարչապետի տիկին Աննա Հակոբյանն իր ֆեյսբուքյան էջում  ժամեր առաջ տեղադրել է Նիկոլ Փաշինյանի տարեդարձի  և նրանց հանգստի նկարներից:

Ապա նաև նկարների շարքին  կից կատարել է  հետևյալ գրառումը.

Իսկապես անչափ «ճոխ, շենշող», «էկզոտիկ», «և այլ պրելեստներով»  տարեդարձ ու հագստյան օրեր ենք անցկացրել Իջևանի սարեր/ձորեր/ անտառներում: Գիշերել ենք Apaga Resort-ում, եղել ենք  նաև Ենոքավանի սարերում և Lastiver-ում,  իսկ վարչապետի տարեդարձը նշել ենք Իջևանի անտառում բացառապես մեր  ընտանիքի անդամների և մանկության ընկերների հետ:

Այսօր համացանցը հեղեղված է վարչապետի  ընտանեկան հանգստյան  լուսանկարներով, որոնց վերաբերյալ ամենատարբեր քննարկումներ են տեղի ունենում:

Ուստի անդրադառնալով այդ ամենին Աննա Հակոբյանը   ևս մեկ անգամ հանրությանը ցույց է տվել իրենց  ընտանեկան նկարներից, քանի որ նախընտրում է իրենց ընտանիքի  օրինակով ցույց տալ  ու սովորեցնել  բոլորին հետևել  իրական արժեքներին, որնք զուրկ են ճոխությունից և շքեղությունից:  Այս ամենին ի լրացում, նա նաև թողել է հետգրություն:

Հ.Գ. Ինչ վերաբերում է համացանցում տարածված տեսանյութին, որտեղ «հատուկ» վրաններ են երևում, ընդամենը պետք էր զանգել Apaga Resort և հարցնել, թե դա ինչ միջոցառում էր, և որևէ կապ ունե՞ր վարչապետի տարեդարձի հետ, թե՞ ոչ:

Վարչապետը իր  ընտանիքի հետ մի քանի օր հանգստացել է  Apaga Resort-ում: Նա նաև ընտանիքի անդամների հետ  մասնակցել է հյուրերի համար կազմակերպված բոլոր միջոցառումներին, այդ թվում նաև  Երեխաների պաշտպանության օրվան նվիրված  Green Wallet Armenia բարեգործական միջոցառմանը: