Այսօր՝ հունվարի քսանչորսին, հայ նշանավոր բանաստեղծ Պարույր Սևակի ծննդյան օրն է։ Այսօր հայ գրականության մեջ նշվում է հայ մեծանուն բանաստեղծի 99-ամյակը։
Պարույր Ղազարյանը ծնվել է Չանախչի գյուղում։ Ծնողները եղել են հասարակ գյուղացիներ, զբաղվել են հողագործությամբ և անասնապահությամբ։ Նրանց նախնիները Սալմաստ գավառից գաղթականներ են եղել և անչափ ուսյալ ու գրագետ մարդիկ։
Պարույրն ընդամենը հինգ տարեկան էր և արդեն գրում ու կարդում էր։ Հետագայում լինելով դպրոցական երեխա՝ հրատարակում է իր առաջին ստեղծագործությունը, սակայն ստեղծագործության ներքո ստորագրում է որպես Պարույր Արեգունի։
Առեղծվածային է եղել գրողի մահը, որի վերաբերյալ էլ առ այսօր տարբեր վարկածներ կան։ Սակայն մահվան հիմնական պատճառը, որն էլ նշվում է գրողի կենսագրության մեջ՝ ավտովթարն է։
Նրա մեքենան բախվել է կաթ տեղափոխող մեքենային, որն էլ ողբերգական ավարտ է ունեցել։ Սևակը կյանքից հեռացել է քառասունյոթ տարեկան հասակում։
