Այս ապուրը անսովոր անվանում ունի, իսկ ապուրի համը նույնպես անսովոր համեղ է։ Այն կոչվում է «3 հատիկ՝ համեղ ապուրի գաղտնիք»։ Իսկ թե ինչո՞ւ 3 հատիկ՝ շուտով պարզ կլինի։
Կարմիր ոսպ, բրինձ, բլղուր/ձավար, ահա այս 3 հատիկներն են անհրաժեշտ օգտակար և ջերմացնող ապուրի համար: Ահա թե որտեղից է գալիս անվանումը։
Անհրաժեշտ է`
1 բաժակ կարմիր ոսպ
2 ճ/գ բլղուր (կամ գիշերը թրջած ձավար)
1 ճ/գ բրինձ
1 ճ/գ տոմատ
1 գլուխ սոխ
Աղ, սև և կարմիև պղպեղներ, չորացրած նանա
Բուսայուղ/կարագ
Կիտրոն
Տապակել սոխը, հավելել կարմիր և սև պղպեղները, տոմատը, ոսպը, բլղուրը և բրինձը: Լցնել եռացրած ջուր, եփել կես ժամ, երբ հատիկները լավ կեփվեն: Ապա թեթև բլենդել:
Ըստ բաղադրատոմսի այն բլենդ է պահանջում, բայց ոչ որ կրեմ ապուրի վերածվի: Ըստ ճաշակի, կարող եք և չբլենդել, առհասարակ: Ավելացնել աղ, չոր նանան: Մատուցել կիտրոնով: Հավատացեք՝ անմահական է։
