Աշխարհը գեղեցիկ է, և բնությունը մարդկության հանդեպ անչափ շռայլ է գեղեցիկ՝ պարգևելով մարդուն ամենագեղեցիկը։ Մարդկությունն այսօր ապրում է մի այնպիսի ժամանակաշրջան, երբ ոչինչ զարմանալի չէ։
Զարմանալի իրողություններին նայում ենք հիացմունքով և անցնում։ Այսօր ցանկանում ենք ներկայացնել անսահաման գեղեցիկ մի միրգ, որի սովորական, դեղին տեսակին բոլորն են ծանոթ։ Սակայն բանանի այս տեսակը յուրահատուկ է իր արտաքին տեսքով։
Այն անչափ գեղեցիկ, նուրբ կապույտ երանգավորմամբ է։ Բանանի ֆանտաստիկ այս տեսակը անիրական և հեքիաթային բան է հիշեցնում։ Այս տեսակը որքան էլ անհավատալի լինի, բայց գրողի երևակայության արդյունք չէ, այն իրական է։
Մրգի այս տեսակը տարբերվում է նաև համային առումով։ Ասում են՝ օժտված է չափազանց նուրբ համով, վանիլային պաղպաղակ է հիշեցնում ։ Այն կրում է «բանան-պաղպաղակ» անվանումը։ Օգտագործվում է այնպես, ինչպես ընդունված է դեղին բանանի պարագայում։
Տարածված են Հավայան կղզիներում, Ավստրալիայում և Ասիական որոշ երկրներում։ Պարունակում են մի շարք վիտամիններ, միներալներ և օրգանիզմի համար այլ անհրաժեշտ նյութեր։
