Արևելքի խոհանոցից հայտնի այս նրբաբլիթները կարող են զարմացնել ձեզ և ձեր սիրելիներին։ Նույնը կարող եք պատրաստել նրբաբլիթների համար պատրաստվող մսային միջուկով, շատ համեղ է լինում:
⠀
Ֆիլո խմոր — 300 գ
Կաթնաշոռ — 150 գ
Հալվող պանիր — 150 գ
Մաղադանոս — 2-3 ճյուղ
⠀
Ֆիլո խմորը սառնարանից դուրս բերել պատրաստելուց 2 ժամ առաջ, թողնել սենյակային ջերմաստիճանում, որպեսզի չպատռվի, հեշտ փաթաթվի: Կաթնաշոռը տրորել, ավելացնել քերած պանիրը, մաղադանոսը: Կարևոր է, որ լինի անջուր պանիր։ Յուրաքանչյուր ֆիլո շերտի վրա դնել 1 ճ․գ․ միջուկ, կողքերից ծալել դեպի ներս և վերջում ծայրը ամրացնել ջրով:
Տապակել լավ տաքացած բուսայուղի մեջ, մատուցել տաք-տաք։ Այսպես փաթաթած սառնարանում կարող եք պահել 3 օր: Իսկ սառցախցիկում շատ երկար: Պարզապես հանեք սառցախցիկից տապակելուց 20 րոպե առաջ։
Մեկ անգամ համտեսելուց հետո, կդադարեք պատրաստել ավանդական նրբաբլիթները։ Ֆիլո խմորով դրանք անփոխարինելի են ստացվում։ Կարելի է մատուցել թե՛ նախաճաշին, թե՛ ճաշին և թե՛ ընթրիքին։
