Կան քաղցրավենիքի տեսակներ, որոնք սիրված են գրեթե բոլորի կողմից։ Այդ շարքին է դասվում Մրջնաբույնը։ Սակայն ժամանակակից աշխարհում խոհանոցում անցկացնելու համար ժամանակը կարծես սպառված լինի։ Եվ անգամ տնային տնտեսուհիները բաղադրատոմսերի միջից փնտրում և գտնում են հենց այն, որը կպատրաստվի դյուրին և քիչ ժամանակ կպահանջի։ Մենք գտել ենք հենց այդպիսի բաղադրատոմս։
Ձեզ անհրաժեշտ կլինի՝
Կարագ — 200 գ
Հավկիթ — 2 հ․
Շաքարավազ — 100 գ
Ալյուր — 500-600 գ
Փխրեցուցիչ — 1 թ․գ․
Մայոնեզ — 2 ճ․գ․
Խտացրած կաթ — 1 հ․
Եփած խտացրած կաթ — 1 հ․
Հավկիթը շաքարավազի հետ հարել այնքան մինչև սպիտակ զանգված ստացվի։ Ավելացնել փխրեցուցիչը, կարագը, մայոնեզը, ապա լցնել մաղով անցկացված ալյուրը և ստանալ բիսկվիթային խմոր։
Պետք է ստացվի ձիգ խմոր։ Քսան րոպե խմորը դնել սառցախցիկում, այնուհետև անցկացնել քերիչով և թխել 180 աստիճան տաքացված ջեռոցում 25 րոպե, որից հետո ձեռքերի օգնությամբ մանրացնել խմորը և խառնել կրեմի հետ։
Կրեմը պատրաստելու համար միախառնել երկու տեսակի խտացրած կաթը։ Այն կարելի մատուցել և ափսեով և բաժակների մեջ։