Թեհմինա Վարդանյանը, ով ընտրություններից առաջ միացավ «Պատիվ ունեմ» դաշինքին, տևական ժամանակ էր քաղաքական բնույթի գրառումներ չէր կատարում։
Նա երբեմն հանրայնացնում էր անձնական լուսանկարները և սահմանափակվում այդքանով։ Այսօր կին քաղաքական գործիչը մի գրառմամբ է հանդես եկել, որտեղ անդրադարձել է հասարակության հետընտրական տրամադրություններին և գրառման ավարտին զարմանք հայտնել, արդյոք ի՞նչը պիտի վերջապես սթափեցնի հանրությանը։
Թեհմինան գրել է, որ ընտրություններից հետո ինքն իր հետ հաշտ չէ և փորձում է հասկանալ, թե ինչ կատարվեց։ Նա մեջբերել է ժողովրդական հայտնի ասացվածքը, ըստ որի՝ «նույն գետը երկրորդ անգամ չեն մտնում», ապա հավելել, որ հայ ժողովուրդն ավելին արեց՝ մտավ ճահիճը և այժմ կլանվում է։
Քաղաքական գործիչն ավելացրել է, որ մենք բոլորս արժանի ենք նման ղեկավարության և չպետք է բողոքել, քանի որ ինքներս արեցինք այս ամենը։
«Ձեր ընտրության կամ անտարբերության արդյունքն է: 2018-ի ընտրություններից հետո ընկալելի էր, չգիտեիք` ինչի հետ եք բախվում: Այժմ ինչի՞ց եք բողոքում: Լավ, ո՞րն է լինելու եզրագիծը, ի՞նչն է սթափեցնելու..»։