Ներկայացնում ենք քացախի բաղադրատոմս, որն իսկական և որակյալ քացախ ստանալու տարբերակ է։ Այն խոհանոցային անչափ անհրաժեշտ մթերք է։ Վստահ փորձեք ու կհասկանաք, թե որն է որակյալ քացախը:
Անհրաժեշտ է՝
Հյութեղ խնձոր — 5 կգ
Շաքարավազ — 500 գ
Ջուր — 5 լ
Խնձորն առանց կեղևազատելու քերել խոշոր քերիչով: Խորհուրդ է տրվում լցնել ապակյա տարայի մեջ: Ջուրը տաքացնել 20-25 աստիճան, խառնել շաքարը, որ լուծվի ջրում ու լցնել խնձորի վրա:
Պետք է 10 սմ տեղ ունենա ազատ, որովհետև հետո խնձորը փրփրում է բարձրանում վերև: Թողնել տաք տեղ և ամեն օր խառնել: Տասը օր հետո ջուրը վերև բարձրացած կլինի, իսկ խնձորը` ներքևում: Քամել, հեղուկը լցնել ապակյա բանկաների մեջ, վերևը թանզիվով փակել և 40 օրով դնել մութ տեղ:
Այդ 40 օրում վերևի մասում կառաջանա շերտ` խնձորի մեջ առկա խմորիչից «սնկային կափարիչ», որը ձեզ կհուշի քացախի պատրաստ լինելու մասին: Այդ շերտը պետք է դեն նետել, ու քացախը տեղավորել տարաներում:
Քացախի գույնը ժամանակի հետ դառնում է ավելի թափանցիկ, ոսկեգույն: Այս քացախը 2-3 տարի կարող եք օգտագործել` պահելով սառը տեղում: