Սիրված երգիչ Արման Հովհաննիսյանը ուրախ առիթների համ ու հոտն է համարվում և առանց նրա սիրված երգերի խնջույքը կարծես կիսատ է։ Սիրված երգիչն այսօր իր քառասունմեկ ամյակն է տոնել։ Արմանին սկսել են շնորհավորել կեսգիշերից սկսած։
Ընկերները նրան անակնկալ են մատուցել և տորթով կեսգիշերին այցելել նրա բնակարան։ Ընկերները ուրախացրել են նրան և երգեր նվիրել, նաև կատարել են իր իսկ երգացանկից «Օրեր, օրեր, կյանքիս օրեր․․․» երգը։
Հիշեցնենք, որ Լաս Վեգասում հայտնի փառքի ծառուղում բացվել է երգչի աստղը։ Այս պահին Արմանը գտնվում է Ամերիկայում։ Վերջին շրջանում չեն դադարում այն խոսակցությունները, որ երգիչը մշտական բնակություն է հաստատել Ամերիկայում։
Սակայն Արման Հովհաննիսյանի մենեջերը մշտապես հերքում է նմանօրինակ լուրերը՝ նշելով, որ երգիչը գտնվում է Ամերիկայում աշխատանքի բերումով։ Եվ նրա բնակության վայրը Հայաստանն է։
Երգչին ջերմագին շնորհավորանքներ են հղել նաև նրա երկրպագուները և հանդես եկել անկեղծ բարեմաղթանքներով։