«Նոա» ֆուտբոլային ակումբը ցավալի տեղեկատվություն է հայտնում։ Ակադեմիայում երիտասարդ կյանքի կորուստ է տեղի ունեցել։
Նրանք համացանցաին իրենց հարթակում հայտնում են, որ կյանքից հեռացել է ակումբի տասնհինգամյա սանը։ Տղան Կարեն Խաչատրյանն է, ում կյանքը խլել է ավտովթարը։
Այն տեղի է ունեցել գիշերը՝ Արմավիրի մարզում։ Համացանցային հարթակներում տարածվում էր նշված ավտովթարի մասին տեղեկատվությունը, սակայն միայն հիմա պարզ դարձավ, որ այդ մեքենայում է գտնվել նաև Կարենը։
Մեքենան եղել է Opel մակնիշի։ Այն վարել է տասնյոթամյա երիտասարդ։ Մեքենան գլխիվայր հատնվել է ջրատարում, որն էլ տասնհինգամյա ուղևորի մահվան պատճառն է դարձել։ «Նոա» ֆուտբոլային ակումբը իր խորին ցավակցություն է հայտնել իր սանի մահվան համար և վշտակցել Կարենի ընտանիքին, հարազատներին և ընկերներին։ «Աստված հոգիդ լույսի մեջ պահի, սիրելի Կարեն»,- գրել է ֆուտբոլային ակումբը։
Միանում ենք ցավակցություններին և վշտակցում երիտասարդ տղայի հարազատներին և բոլոր մտերիմներին։