Եթե սիրում եք կարկանդակներ, ապա կարկանդակի այս տեսակը նույնպես կհավանեք։ Առաջարկում ենք այն պատրաստել այս բաղադրատոմսով, որը թույլ կտա ստանալ յուրահատուկ համով, տեսքով և չկրկնվող կարկանդակներ և հավատացեք՝ այն կհավանանեն բոլորը։
Դրանք անչափ համեղ են ստացվում։ Վայելեք ձմռան ցուրտ օրերն այս համեղ , հագեցնող կարկանդակները մեկ բաժակ տաք թեյով։
Կարող եք մատուցել ճաշին, ընթրիքին։ Չնայած բանջարեղենային բաղադրությանը՝ հագեցնող ուտեստ է։
Մաղած ալյուրին ավելացնել շաքարավազ, աղ, բուսայուղ և փուլ առ փուլ, դանդաղորեն հավելել եռացող ջուրը, լավ խառնել, ստանալ փափուկ խմոր և 30 րոպեով դնել մի կողմ։
Այս ընթացքում պատրաստեք միջուկը։ Կաղամբը, գազարը և սոխը կտրատել, տապակել բուսայուղում, համեմել։ Հանգստացած խմորը բաժանել 16 մասերի, գրտնակով բացել, վրան դնել պատրաստի միջուկից և փաթաթել։
Պետք է ստանաք փոքրիկ ռուլետանման փաթաթուկներ։ Լուսանկարները կօգնեն ճիշտ կողմորոշվել։ Փաթաթած կարկանդակների վրա հարած հավկիթ քսել և շաղ տալ քունջութ։ Թխել 180 աստիճան ջեռոցում 30 ր։