Ամռան տապին աղցաններն ամենահաճելի ուտեստներն են։ Առաջարկում ենք համով, օգտակարությամբ օժտված և դյուրին պատրաստման գործընթաց ունեցող աղցան, որը կհավանեն ընտանիքի բոլոր անդամները։ Տվյալ աղցանը վիտամիններով և միներալներով գերհագեցած ամառային աղցան է։
Անհրաժեշտ է՝
Տապակած սմբուկ — 2 հ․
Եփած սիսեռ — 1 հ․
Լոլիկ — 2 հ․
Սխտոր — 1 պճեղ
Կանաչ տերևնեւրով սոխ — 1-2 ճյուղ
Համեմ — 1-2 ճյուղ
Աղ, սև պղպեղ — ըստ ճաշակի
Մանրացված (չափն՝ ըստ ցանկության) բաղադրամասերը միախառնել, լցնել ձիթայուղ, լավ խառնել, ահա և վերջ, ամառային աղցանը պատրաստ է։ Խորհուրդ է տրվում լոլիկը աղցանին ավելացնել միայն մատուցելուց առաջ, քանի որ երկար մնալով աղցանի մեջ՝ կկորցնի թարմությունը և աղցանի համային հատկանիշները փոփոխության կենթարկվեն։
Խորհուրդ է տրվում սիսեռը խաշելիս շատ քանակությամբ եփել և ավելցուկը պահել սառնարանում, որպեսզի հարկ եղած ժամանակ անմիջապես կարողանաք օգտագործել։ Մեկ նկատառում ևս՝ սմբուկը տապակելուց հետո քամեք խոհանոցային անձեռոցիկի վրա՝ ավելորդ յուղից խուսափելու համար։