Ինչպես արդեն տեղեկացրել էինք, երեկ կայացել է Սևակ Ամրոյանի և իր ընտրյալի՝ Քրիստինայի հարսանեկան արարողությունը։ Համացանցն անմիջապես ողողվեց հարսանեկան առաջին կադրերով։
Երգչի ամուսնությունն անակնկալ էր շատերի համար, քանի որ նա անձնական կյանքից, առհասարակ, չի խոսում և տեղեկություններ չի տրամադրում։ Սևակը խնջույքի ժամանակ բոլորին անակնկալ է մատուցեկ և ներկայացրել նոր երգի պրեմիերա։
Երգչի անակնկալը հուզել է կնոջը։ «Քեզ երջանկացնելն ինձ համար նպատակ է»,- ահա այս խոսքերն էր ընտրել երգիչը որպես երգի բառեր, որն ուղղված էին նորահարսին։
Հարսանյաց խնջույքը տեղի է ունեցել Դվին ռեստորանային համալիրում, որի բեմից էլ գեղեցիկ հոլովակի ֆոնին Սևակը մատուցեց անակնկալ նվերը կնոջը։
Համացանցային օգտատերերը անկեղծորեն շնորհավորել են սիրված երգչին ամուսնության առիթով և հարատև երջանկություն մաղթել զույգին՝ նշելով, որ անչափ ներդաշնակ զույգ են։ Այդ մասին պատմող հոլովակը կարող եք դիտել վարը ներկայացված տեսանյութում ։