Փանքեյքն այս մեթոդով համեղ, նուրբ և փափուկ է ստացվում։ Դրանց պատրաստման համար ջանքեր գործադրել բնավ հարկ չկա։ Բոլոր բաղադրամասերը հասանելի են և ամեն անգամ հեշտությամբ կգտնվեն սառնարանում։
Այն հարմար է ուտել նախաճաշին մեղրով, շոկոլադով և ինչպես որ կցանկանաք և ինչպես որ հաճելի կլինի ձեր քիմքին։ Հարմար է նաև սուրճի, թեի հետ և երեխաների պայուսակոմ դնելու համար։ Եվ այսպես, կարող եք նախապատրաստել հետևյալ մթերքները և սկսել պատրաստման գործընթացը։
Կաթ — 350 մլ
Ալյուր — 250 գ
Բուսայուղ — 4 ճ․գ․
Շաքարավազ — 4-5 ճ․գ․
Հավկիթ — 3 հ․
Աղ — 1 պտղունց
Առանձնացնել հավկիթների դեղնուցները սպիտակուցներից, որից հետո դեղնուցները շաքարավազի հետ հարել մինչ այն կսպիտակի։
Հավելել կաթը և շարունակել հարել մինչ շաքարավազը կհալվի։ Փրփրային զանգվածի վրա մաղով անցկացնել այուրը, հարել, լցնել բուսայուղը և շարունակել հարման գործընթացը։
Այժմ աղի և սպիտակուցի համադրությամբ պատրաստենք բեզե, որը զգուշորեն պետք է խառնել խմորին և սկսել թխել նախապես տաքացված չոր թավայում։
