Առաջարկում ենք Բաունտի տորթի ամենահամեղ և հեշտ պատրաստվող տորթը։ Այն թեթև է, նուրբ և անչափ փափուկ։ Ցրտաշունչ օրերը ջերմացրեք թեյախմությամբ ջերմ մթնոլորտում և այս հրաշաիր տորթով։
Անհրաժեշտ է՝
Խնոր
Կարագ — 80 գ
Շաքարավազ — 80 գ
Հավկիթ — 2 հ․
Ալյուր — 80 գ
Աղ — 1 պտղունց
Փխրեցուցիչ — 1 թ․գ․
Կակաո — 2 թ․գ․
Կոկոսային կրեմ
Կաթ — 400 մլ
Սպիտակաձավարի ալյուր — 2 ճ․գ․
Շաքարավազ — 80 գ
Վանիլ — 10 գ
Կարագ — 100 գ
Կոկոսի փաթիլներ — 200 գ
Ջնարակ
Տաք կաթ — 80 մլ
Կաթնային շոկոլադ — 160 գ
Փափկեցված կարագը շաքարավազի հետ հարել երեք րոպե, ապա ևս երեք րոպե հարել հավկիթների հետ։ Առանձին ափսեի մեջ ալյուրին միացնել կակաոն, աղը, փխրեցուցիչը, լավ խառնել և մաղել հարած զանգվածի վրա։ Խմորը տեղափոխել յուղաթղթով պատած ձևամանի մեջ և թխել 180 աստիճան տաքացված ջեռոցում 13 րոպե։
Կրեմի պատրաստման կամար կաթը լավ տաքացնել, բայց չեռացնել, այնուհետև բարակ շիթով կաթի մեջ լցնել սպիտակաձավարի ալյուրը։ Խառնել այնքան մինչ կսկսի եռալ և անմիջապես վերցնել կրակից։ Ավելացնել շաքարավազ, վանիլ և կոկոսի փաթիլներ, խառնել։
Խմորը դուրս բերել ջեռոցից և անմիջապես քսել կրեմը հավասար շերտով։ Ջնարակի համար տաք կաթի մեջ լցնել շոկոլադը, լավ խառնել և լցնել տորթի վրա և այն տեղափոխել սառնարան մի քանի ժամով, լավ կլինի ողջ գիշեր։
