Աշունը լիարժեք իր տիրապետության մեջ է։ Եվ աշնանային սառը օդը կարելի է ջերմացնել տաք, անչափ համեղ կրեմ ապուրով։ Ներկայացնում ենք նման հրաշալի մի բաղադրատոմս։ Սնկով կրեմ ապուր։
Անհրաժեշտ է՝
1-2 ատամիկ սխտոր
Կարագ և բուսայուղ
1ճ/գ ալյուր
1 գլուխ սոխ
1 կարտոֆիլ
400գ շամպինյոն սունկ
Ջուր կամ կարելի է փոխարինել հավի արգանակով
Աղ, սև պղպեղ
100մլ 10-20%-անոց սերուցք
Սկզբում սոխը և սխտորը բուսայուղով տապակել, ավելացնել շամպինյոնը: Երբ կցամաքի սնկից առաջացած հեղուկային մասը, հավելել կարագ, ալյուր և 2 ր բովել:
Լցնել կարտոֆիլը, ավելացնել այնքան ջուր, արգանակ, որ բաղադրիչները ծածկվեն (շատ չլցնել, որպեսզի ջրիկ չստացվի): Եփել կես ժամ, որից հետո համեմել, բլենդել և լցնել սերուցքը, սպասել եռա և կրակն անջատել:
Մատուցել չորահացով: Եթե կցանկանաք համերն արտահայտիչ դարձնել, օգտգործեք պատրաստի հավի կամ սնկի չոր, խիտ համեմունքներ։ Աղը և նախընտրած համեմունքները օգտագործել ըստ ճաշակի։
