Այս չիզքեյքը կսիրեք բոլորդ։
Ստորին շերտ՝
300 գ հաստ թխվածքաբլիթ
60 գ կարագ
4-5 ճ/գ կաթ
Թխվածքաբլիթն անցկացնել բլենդերով մինչև լրիվ կմանրանա, հավելել հալեցրած կարագը և կաթը, ստանալ այնպիսի զանգված, որ ափի մեջ սեղմեք, կպչի, հավաքվի: Տարայի վրա դնել յուղաթուղթ: Իսկ պատերին բուսայուղ քսել, ապա ամրացնել յուղաթուղթը։ Լցնել թխվածքաբլիթնրիկ փշրանքները և հավասարապես տարածել: Տեղափոխել սառնարան 40 րոպեով:
Սպիտակ շերտին՝
8-10 գ անգույն ժելատին
60 մլ սառը ջուր
450 գ կաթնաշոռ
140 գ շաքարավազ
350 մլ 33-35% սերուցք
Ժելատինի վրա ջուր լցնել, թողնել այն ուռչի՝ մոտ 20ր: Կաթնաշոռը շաքարավազի հետ անցկացնել բլենդերով, ստանալ համասեռ զանգված: Սերուցքը հարել, որ լինի հալված պաղպաղակի խտության, ավելացնել կաթնաշոռի զանգվածը և մի քանի վայրկյան հարել:
Ուռած ժելատինը շերեփի կամ փոքր թավայոյւմ մի քանի վայրկյան տաքացնել՝ պահելով շատ ցածր կրակին։ Հեղուկ զանգվածը խառնել կաթնաշոռային զանգվածին, խառնել, հարիչ ոչ մի դեպքում չօգտագործել, այլապես սերուցքը կպնդանա: Սպիտակ զանգվածը դատարկել տարայի մեջ, լավ նստացնել, հարթեցնել: Վերևի մրգային շերտը կարող եք պատրաստել թարմ կամ սառեցրած հատապտուղներից:
200 գ հատապտուղ
50 գ շաքարավազ
50 մլ ջուր
3-5 գ ժելատին
Հատապտուղների վրա լցնել շաքարավազ, ջուր և դնել կրակին: Եփել 10 ր մինչ միրգը կփափկի, որից հետո բլենդել: Միացնել նախապես ուռած ժելատինը, խառնել, թողնել մի փոքր հովանա, լցնել չիզքեյքի վրա և տեղափոխել սառնարան 6 ժ, որից հետո կարելի է վայելել։
