Աշխատանքային օրվա ավարտին հավաքվել սեղանի շուրջ և պատմել ու կիսվել օրվա իրադարձություններով, ամենահաճելի օրվա ավարտը կարող է լինել։ Իսկ սեղանի շուրրջ կարող է հավաքել միայն համեղ ընթրիքը։ Առաջարկում ենք մի բաղադրատոմս, որի օգնությամբ կստանաք հիանալի ընթրիք։
Իսկ ձեզ անհրաժեշտ կլինի՝
Սունկ — 500 գ
Սխտոր — 2 ատամիկ
Սոխ — 1 հ․
Թթվասեր — 1 ճ․գ․
Կաթ կամ սերուցք — 100 մլ
Փափուկ տեսակի պանիր — 100 գ
Աղ, պղպեղ՝ ըստ ճաշակի
Սունկը պետք է ընտրել խոշոր տեսակի, որպեսզի լցոնելը հարմար լինի, այսինքն՝ տարողունակ լինեն։
Մաքրել, պոկել ոտիկը։ Ոտիկները մանրացնել և սոխի, սխտորի հետ տապակել բուսայուղում, տեղափոխել այլ տարայի մեջ, հավելել թթվասերը, կարելի է նաև ավելացնել որևէ կանաչի, ապա աղ և պղպեղ անել, լավ խառնել։
Այժմ թավայի մեջ մի փոքր բուսայուղ ավելացնել և սնկի գլխիկները տապակել, այնուհետև շրջել, լցոնել միջուկով, վրան դնել մեկական կտոր պանիր, լցնել կաթը կամ սերուցքը և փակել կափարիչը։ Եփել 10-15 ր։
