Եղանակները ցրտելուն պես թեյախմությունը շատանում է։ Թերևս, շատերին է հաճելի երեկոներն անցկացնել մեկ գավաթ տաք, համեղ թեյի սեղանի շուրջ և մթնոլորտը տաքացնել հաճելի, ջերմ շփումներով և զրույցներով։ Առաջարկում ենք թխվածքաբլթների մի հրաշալի, հասարակ բաղադրատոմս, որի պատրաստումն անչափ հեշտ է։
Անհրաժեշտ է՝
Հավկիթ — 1 հ․
Շաքարավազ — 200 գ
Վանիլ
Բուսայուղ — 100 մլ
Թթվասեր — 200 մլ
Սոդա — 1 թ․գ․
Ալյուր — 450 գ
1 դեղնուցի և 1 ճ․գ․ կաթի խառնուրդ
Շաքարավազ՝ պատրաստի թխվածքաբլիթների վրա շաղ տալու համար — 1 ճ․գ․
Եվ այսպես, հավկիթը, շաքարավազը, վանիլը։ Այս ամենը միախառնել, լավ հարել, որից հետո միացնել բուսայուղը, խառնել՝ հասցնելով միասեռ զանգվածի։
Թթվասերին միացնել սոդան, խառնել և հավելել ձվային զանգվածին,միախառնել։ Ապա դանդաղորեն մաղել ալյուրը։ Սկզբում գդալով խառնել, ապա խմորը վերջնական տեսքի բերել ձեռքերի օգնությամբ։
Պետք է ստացվի փափուկ, նուրբ խմոր։ Թխվածքաբլիթների պատրաստման մանրամասներին առաջարում ենք տեղեկանալ վարը կցված տեսանյութում։
